Ka patur shumë debate sot në Shqipëri, pas nisjes së vaksinimit, lidhur me origjinën e vaksinave. Qeveria e mbajti sekret vendin që dhuroi rreth 1 mijë doza dhe kjo ka shkaktuar shumë reagime në rrjet.
Mjeku i njohur Pëllumb Pipero ka zbuluar se vaksina që ka ardhur në vendin tonë është e Pfizer dhe po ruhet sipas kushteve të përcaktuara. Gjithsesi, Pipero tha se nuk e di se kur ka mbërritur në vendin tonë, ndërsa nuk dha detaje as për vendin dhurues.
“Vaksina është e Pfizër. E kam parë dhe e kam prekur me dorë. Nuk e di se kur ka ardhur në Shqipëri. Më fillimin e vaksinimit fillon edhe një ditë e re për vendin tonë “, tha Pipero në Top Channel.