Kryeministri Edi Rama teksa flet për emigrantët dhe rikthimin e tyre në atdhe nuk ka lënë pa ironizuar programin e Partisë Demokratike.
Rama shprehet se programi i PD është si një ‘menu dëshirash’ që kërkon të kapë vota. Koalicionin e PD me LSI, Rama e quan si një koalicion KÇK.
“Ne nuk kemi një program elektoral të ngjashëm, me një menu dëshirash, për të kapur vota siç kap PD me lokacionin KCK.
Ne kemi një program pune, plan veprimi sepse ne jemi qeveria dhe ajo çka ne kemi detyrë duke respektuar me përulësi dhe me përkushtim këtë përballje elektorale është të bëjmë atë që themi“, tha Rama.
Kryeminstri tha se ka një plan për kthimin e emigrantëve në Shqipëri, në mënyrë që ata të investojnë të ardhurat këtu.
“Ditët dhe javët në vijim do të jenë momente të një pas njëshme shpalosje të këtij plani për emigrantët. Unë jam besimplotë se Shqipëria do të bëhet në këtë dekadë shumë më e favorshme seç është.
Shqipëria e kësaj dekade do të bëhet destinacioni më i kërkuar turistik i këtij rajoni.
Ne do to ofrojmë për emigrantët një perspektivë të re, duke stimuluar në mos kthimin e tyre në disa vite, rrugë të reja për të investuar kursimet e tyre këtu”.
