Analiza e Rejas: Kurrë nuk do e kisha imagjinuar Juven aty

113 563 lexime

106,048FansaPëlqeje

Edi Reja pranon se kurrë nuk e kishte imagjinuar një Juventus kaq larg kreut sa në këtë sezon. Në një intervistë të dhënë për “Il Mattino”, ai ka bërë analizën e Serisë A dhe situatën e disa skuadrave, duke u ndalur fillimisht te Napoli i cili ka bërë shumë mirë në këto javë të para dhe kryeson renditjen.

“Napoli në krye? Është e drejtë që të ketë entuziazëm, të fitosh të jep ndjesi unike. Por duhet të jenë të kujdesshëm, të qëndrojnë me këmbë në tokë, pasi përveç Juventusit të cilin ta takosh në këtë periudhë është një fat i vogël, Napoli nuk ka patur përballë asnjë prej skuadrave të mëdha. Për shembull që të dielën ndaj Fiorentinës do të jetë interesante të shihet niveli që kanë arritur të kaltrit. Testi kundër Italiano do të jetë shumë i rëndësishëm për të kuptuar ku mund të mbërrijë Napoli.

Çfarë më ka bërë përshtypje? Vështirësitë me të cilat po ndeshet Alegri te Juventusi. Nuk do ta kisha imagjinuar kurrë kaq larg vendit të parë. Dhe 10 pikë janë shumë. Mendoj se do të jetë e komplikuar të rikthehet në lojë për titullin. Ndaj Interit kam parë Atalantën e Gasperinit që njoh. Po kthehet te nivelet e të kaluarës. Organika që kanë në dispozicion Pioli te Milani dhe Inzagi te Interi janë e nivelit më të lartë. Projekti i Sarrit po bën hapat e parë. Derbi të jep një shtysë unike. Por Roma humbi vetëm për disa episode”, tha Reja në analizën e tij. Ndërkohë, duke folur për mënyrën e drejtimit të Spaletit te Napoli dhe raportin e tij me presidentin De Laurentis, Reja tregoi edhe eksperiencat personale.

Lexo edhe :  Futbollisti i Romës bën veprimin e turpshëm, prezantuesja publikon videon

“Spaleti nuk bën rrotacion? Edhe unë nuk ndryshoj askënd nëse janë mirë. Pastaj kjo të jep kompaktësi dhe mirëkuptim, ndoshta edhe ndjesinë e përkatësisë, të famshmin shpirt skuadre. Unë mendoj se është e drejtë kështu, por pa e ekzagjeruar. Pasi së shpejti vijnë Kupat, të enjten në Ligën e Europës është e drejtë të pushojë ndokush, pasi nuk duhen shtrydhur shumë energjitë. Rrezikohet që në fund lojtarët të mbërrijnë të shtrydhur. Këtë e kam mësuar te Lacio. Por edhe unë kam dashur gjithmonë formacionet që mësohen përmendësh si të ishin këngë. Dhe derisa të jenë ndeshjet e mesjavës, është e drejtë të ndryshohet sa më pak të jetë e mundur. Të shkosh mirë me Aurelio De Laurentis nuk është e komplikuar, mjafton të jesh i sinqertë, besnik, i qartë, të thuash gjërat që duhen thënë edhe me ashpërsi. Luçiano Spaleti ka një karakter të duhur për një raport që mund të zgjatë me De Laurentis, i cili i vlerëson personat e drejtë. Shumë shpesh unë dhe ai i kemi thënë gjëra edhe të rënda me sinqeritet njëri-tjetrit, por gjithçka mbyllej aty. Ndodh edhe që presidenti, i cili është edhe shefi, të thërrasë e të të pyesë se kush luan dhe kush jo. I takon trajnerit pastaj që të motivojë zgjedhjet e tij. A më ka thënë ndonjëherë De Laurentis që të luajë njëri në vend të një tjetri? Asnjëherë. Pasi trajneri është një njeri i vetëm, gjithmonë i vetëm. Nëse gjërat shkojnë mirë, meritat janë të të gjithëve, përndryshe fajet janë të vetëm një personi. Atëherë është më mirë që të mos i japësh të drejtë askujt”, theksoi Reja.


Të fundit

Analiza e Rejas: Kurrë nuk do e kisha imagjinuar Juven aty

Edi Reja pranon se kurrë nuk e kishte imagjinuar një Juventus kaq larg kreut sa në këtë sezon. Në...

Rritja e ekonomisë, Ahmetaj: Ringritja ndihet te konsumi familjar

Zv/kryeministri Arben Ahmetaj ka deklaruar se në tremujorin e dytë të vitit 2021 ekonomia në vendin tonë është rritur thuajse me 18% në krahasim...

Akuzohet për financimin ilegal të fushatës së tij elektorale, gjykata shpall fajtor ish-presidentin francez Sarkozy

Ish-presidenti francez Nicholas Sarkozy është shpallur sërish fajtor për financimin ilegal të fushatës së tij elektorale në vitin 2012 edhe pas apelimit të tij....

Ulsi Manja takim me ambasadoren Yuri Kim: Asgjë s’na ndal në luftën kundër korrupsionit

Ministri i Drejtësisë Ulsi Manja është takuar me ambasadoren e SHBA në Tiranë, Yuri Kim. Në fokus të këtij takimi ishte reforma në drejtësi për...

Policia konfiskon 24 kg kanabis në Durrës, arrestohen 4 persona

4 persona janë arrestuar në Durrës, pasi po përgatiteshin për të shtuar 21 kg kanabis me një prej 38.800 euro. Pas vëzhgimeve të 4...

Lajme të tjera

Web TV