Disa mbetje kockore njeriu janë gjetur në pyllin e Sodës në Vlorë. Ngjarja sapo ka ndodhur dhe policia është në vendin e ngjarjes.
Skeleti u nxor gjatë punimeve që po kryheshin në rrugë. Pas ekzaminimeve paraprake pritet që ato të dërgohen për këqyrje më të specializuar për të bërë të mundur ndoshta zbulimin e identitetit të viktimës.
Në zonën e Vlorës janë shpallur të zhdukur një numër i madh personash që prej vitit 2015, periudhë kur nisi masivisht kanabizimi i vendit. Mbetet për t’u parë nëse kemi të bëjmë apo jo me ndonjë prej personave të zhdukur gjatë asaj periudhe.
