Mister/ Organizata ruse e lidhur me Putinin, ka të njëjtën logo me PD

Partia Demokratike dhe një organizatë publike në Rusi kanë të njëjtën logo. Nuk dihet nëse kjo është rastësi, por vihet re se një organizate publike që përfaqëson interesat e bizneseve private ruse, “Business Russia”, e ka logon thuajse të njëjtë me Partinë Demokratike aktualisht, dhe identike me Partinë Demokratike kur kryetar i saj ishte Lulzim Basha.

 

 

Organizata “Business Russia”, e përkrahur nga presidenti rus Vladimir Putin për të përmirësuar klimën e biznesit në Rusi, është themeluar në vitin 2001, ku ka marrë edhe logon në fjalë. Partia Demokratike, nga ana tjetër, e mban këtë logo që në vitin 1990 kur u themelua.

Nuk dihet nëse “Business Russia” ia ka vjedhur logon PD-së, apo nëse ka diçka përtej kësaj rastësie të çuditshme, përveçse, i njëjti burim ku grafistët kanë marrë template-in e logos. Pasi në mars 2022 Gjykata njohu Kuvendin e 11 dhjetorit, të thirrur nga Sali Berisha, ky i fundit riktheu logon klasike të PD-së. Vendimi i gjykatës u ankimua nga Enkelejd Alibeaj, por ende nuk është marrë një vendim nga Gjykata e Apelit./Shqiptarja.com