Është mbyllur dita e parë e Ligës së Kombeve, ku spikati ndeshja Francë-Austri, e cila u fitua nga vendasit me rezultat 2-0, ku shënuan Mbappe dhe Giroud.
Sot kryefjala e këtij kompeticioni shkon drejt Milanos, aty ku Italia do të përballet me Anglinë, në një ndeshje ku italianët do të përpiqen të mbajnë të paktën barazimin për të qëndruar në League A, nga ana tjetër fitorja do të jetë detyrim për anglezët.
Ndjekim disa nga titujt kryesorë të mediave sportive për ditën e sotme:
Në Britaninë e Madhe, Mirror Sport prezanton Itali-Angli të Ligës së Kombeve: “Harry është heroi im i San Siro-s”. Trajneri i Anglisë, Southgate: “Po e vë reputacionin tim në linjë për të mbështetur Maguire… Është ende i rëndësishëm për Anglinë”.
Në Francë, L’Equipe ia kushton kopertinën fitores 2-0 ndaj Austrisë: “Shumë më pak e paqartë”. Pas katër ndeshjeve të pasuksesshme dhe dy muaj para ndeshjes së parë të Kupës së Botës kundër Australisë, Le Bleus u rikthye te fitorja falë Kylian Mbappé dhe Olivier Giroud, i cili shënoi golin e tij të 49-të për Kombëtarën”.
“Inter voton Inzaghin” është titulli i italianes La Gazzetta dello Sport. Drejtuesit e Interit janë më të afërt me teknikun. Nuk ka më ankth, ka kohë për t’u rikuperuar.
“Të ruajmë fytyrën” ka shkruar Corriere dello Sport. Italia sfidon Anglinë dhe i duhet të shmangë humbjen për të qëndruar në League A të Ligës së kombeve.
Tuttosport si zakonisht hapet me bardhezinjtë: “Juve, njësia kundër krizës”. Analiza e dosjes së lënduar, ndryshimi në metodat dhe intensiteti i stërvitjes, menaxhimi i rikuperimeve: klubi ndërhyn me ide dhe burra të rinj.
Katalanasja Mundo Deportivo hapet me titullin: “Negociatat Griezmann”. Barça nuk dëshiron të shkojë në gjykatë dhe do të kërkojë një marrëveshje me Atleticon për lojtarin.
“Shantazhi është i papranueshëm” shkruan prestigjozja Marca. 15 lojtarë nga ekipi spanjoll i femrave heqin dorë nga përzgjedhja, kërkohet largimi i trajnerit aktual.
“Endrick po afrohet” ka shkruar gazeta Sport. Vendoset samiti mes Barcelonës dhe përfaqësuesve të lojtarit për të analizuar nënshkrimin e tij të mundshëm.