Fokusi i mediave sportive për ditën e sotme kthehet nga Spanja, aty ku Barcelona gjen fitoren pas dy zhgënjimeve. Ekipi katalanas e mbylli sfidën ndaj Villareal që në pjesën e parë, me polakun Lewandowski që shënoi dy gola dhe me Ansu Fatin që shënoi të tretin.
Ndjekim disa nga titujt kryesorë për ditën e sotme:
La Gazzetta dello Sport hapet me strategjitë e Gerry Cardinale : “Super Milani im”, për rritjen dhe zhvillimin e kuqezinjve në të gjitha drejtimet.
“Formula Kean” është titulli i Corriere dello Sport. Juve sfidon Empolin dhe këmbëngul për sulmuesin e ri.
Në Tuttosport, hapja i kushtohet Juventusit sonte: “Uria për Vlahovicin”. Sulmuesi dëshiron të tërheqë ekipin e tij dhe të rifillojë të shënojë vazhdimisht.
Në Spanjë, Sport hapet me leksionin e Barçës 3-0 në La Liga: “Kjo Barça po”. Reagon skuadra Blaugrana me një fitore brilante ndaj Villarrealit në Camp Nou. Ndryshimet e Xavi hyjnë në fuqi dhe Lewandowski është sërish vendimtar me dygolësh.
Në Britani, Mirror Sport nxjerr në pah Ronaldon dhe acarin e ri me Manchester United: “I dëbuar”. Përjashtohet nga skuadra e ekipit të parë. Ten Hag e urdhëron atë të stërvitet vetëm.
“Sfida Botërore” ka shkruar prestigjiozja Marca. Madridi dëshiron të mbetet i pamposhtur në gjashtë ndeshjet që kanë mbetur para pushimit. Në Champions League duhet vetëm një pikë për të siguruar vendin e parë.
Katalanasja Mundo Deportivo hapet gjithashtu me fitoren e Barçës: “Po, mundeni”. Lewandowski i kthen besimin që kërkoi Xavi dhe i hap rrugën një fitoreje bindëse.