Pas takimit në Mallakastër, kryeministri Edi Rama ka vijuar “turneun” e tij në Lushnje.
Gjatë bashkëbisedimit me qytetarët atje, Rama ka përmendur edhe financimet ruse në PD, në kohë kur ajo drejtohej nga ish kryetari Lulzim Basha.
Rama kujtoi thirrjen për Lulzim Bashën, kur i kërkonte që të ndahej nga Berisha dhe Meta, ndërsa tallet duke treguar se sot është “zhdukur”.
“Koha do ta tregojë, por zakonisht këto të miat dalin. Se kur thoja unë “O Lulzim ndahu nga këta të dy”, më thonin këta analistët “o çpunë ke ti me ata, njëri në pension, njëri në punën e vet”. Ja si është puna. Ku është Lulzimi, dini gjë? S’dini gjë. Këta të dy këtu prapë”, tha Rama.