Karim Benzema nuk mori pjesë në Botërorin e Katarit dhe dje njoftoi tërheqjen nga kombëtarja franceze. Megjithatë, emri është në qendër të një rasti të vërtetë. Në Francë po flitet shumë për këtë njoftim dhe po bëhen gjithnjë e më shumë komplote për këtë histori. “Diçka ka ndodhur,” komentoi Eric Di Meco për RMC Sport: “Ne do ta dimë një ditë, jo tani.
Lëndimi i tij, mënyra se si ai po largohet, fakti që atij i thuhet se do të dëshironte të qëndronte për trajtim dhe të përpiqet të të jetë operativ, thashethemet se largimi I tij nuk do të dëmtonte moralin e grupit… Jam i bindur se diçka ka ndodhur”.
Sipas asaj që ka publikuar gazeta franceze L’Equipe, lojtari i Real Madridit i ka dhënë lamtumirën skuadrës pas përplasjes me trajnerin Didier Deschamps dhe stafin teknik në prag të turneut. Gjithçka nisi kur pati dyshime për gjendjen fizike të Topit të Artë.
Gjatë përgatitjes para se të shkonte në Katar, sulmuesi u ankua për shqetësim në muskuj, por nuk pranoi t’i nënshtrohej testeve mjekësore dhe vendimi do të kishte ngjallur mosbesim në të gjithë mjedisin.
Çfarë nuk është thënë dhe çfarë ka ndodhur realisht mes Benzemas dhe Deschamps? Ajo që ndodhi tre ditë para ndeshjes së parë kundër Australisë është një rrëmujë e vërtetë, por, me siguri, diçka nuk ka shkuar siç duhet që kur ai u kthye në kombëtare.
Problemi i kofshës së majtë të Topit të Artë, i cili sapo po rikuperohej nga një tjetër dëmtim i kofshës së djathtë, kishte ngritur tashmë disa pikëpyetje për gjendjen e tij dhe ekziston një prapaskene që ai nuk ishte plotësisht i integruar në grupin francez, aq sa disa do te kishin kerkuar largimin te trajneri…
Nëse rasti i Benzema ka shkaktuar një tension të brendshëm, kjo është kryesisht për shkak të menaxhimit të dëmtimit të tij, sipas informacioneve të Foot Mercato: ndërsa stafi i Bluve do të kishte dashur të bënte një kontroll të plotë për të vlerësuar gjendjen e tij fizike, Karim Benzema do të kishte refuzuar sepse e njeh trupin e tij në mënyrë të përsosur dhe natyrën e dëmtimit që pëson.
Në atë moment ekipi mjekësor i kombëtares transalpine filloi të dyshonte në kushtet reale të lojtarit të tyre, e dyta dhe pjesa tjetër vetëm sa do të konfirmojë frikën e tyre.Benzema u ndje i tradhtuar nga Deschamps dhe nuk e kuptoi trajtimin që mori pas seancave të para stërvitore në Katar. Ka qenë vetë trajneri që i është afruar dhe i ka thënë: “Sa keqardhje Karim që duhet të largohesh”. Në atë moment lojtari mori një mesazh nga trajneri dhe nuk ndihej i dashur!