Ish kryeministri Sali Berisha është ende duke shfrytëzuar daljet publike për të justifikuar humbjen e thellë të 14 majit. Duke mos pranuar humbjen, Berisha akuzon se votimi i qytetarëve ka qenë nën presion dhe i padrejtë.
Berisha thotë se do të përgatisë një material voluminoz ku sipas tij do të provohet që zgjedhjet ishin “farsë”.
“Në burgun e grave kanë votuar të gjithë për Veliajn. Qytetarët janë detyruar edhe në qendra te tjera të mos futën në dhomën e fshehtë sepse kanë marrë fletën e mbushur nga komisioneri. Këto janë disa nga rastet e panumërta që dëshmojnë dhunimin flagrant të qytetarëve në këtë falës elektorale. Një komision i ngritur po punon me intensitet në denoncimin e farsës 14 maj 23. Sikundër shtoj, se shqyrtimi i thelluar i këtij megakrimi kërkon kohën e duhur dhe qytetarët do ta marrin vesh me çdo hollësi e detaj. Është material shumë voluminoz që do duhet të trajtohet me kujdes dhe seriozitetin më të madh.”- tha Berisha.