Rënia e kursit të këmbimit të valutave kryesore krahasuar me lekun janë kthyer tashmë në një shqetësim jo vetëm për qytetarët që disponojnë valutë, por më së shumti për bizneset ndërsa sezoni turistik po njeh ngjitje.
Të mërkurën në Durrës 1 euro këmbehej me 103.9 lekë, ndërsa 1 dollar amerikan 95.2 lekë.
Burime nga agjecitë e këmbimit valuator bëjnë të ditur se tre janë arsyet kryesore të rënies së vazhdueshme të valutës: hyrja në tregun e blerjes së pronave të patundshme të blerësve nga Rusia dhe Ukraina, ardhja e shumë turistëve të huaj për pushime si dhe futja në qarkullim e sasive të mëdha në euro dhe dollar nga bankat e nvelit të dytë.
Përfaqësues të biznesit në sektorin e hoteleri-turismit shprehen se humbjet janë të konsiderushme, duke qenë se ata i kanë mbyllur kontratat që një viet më parë më agjencitë turistike dhe çmimi nuk mund të lëvizë në këtë periudhë të vitit.
Nuk dihet se cila do të jetë tendenca në ditët në vazhdim, por ajo që flitet me garanci nga përfaqësues të këmbimit valuator është se të paktën për muajt korrik dhe gusht do të jetë e vështirë një rritje e vlerësimit të euros dhe dollarit në krahasim me lekun.
Rënia e kursit te euros në tregun valutor bëhet me shqetësuese në zonat turistike ku sipërmarrjet private janë të detyruara të kryejnë blerje e shërbime nga turistë e huaj me euro, ndërkohë që likujdimet, interesat bankare, tatime dhe pëgjithësisht shpenzimet i kryejnë me lekë.
Në Sarandë, qytetin më të madh turistik në jug të vendit, humbjet nga kjo situate e pazakonte e uljes së vlerës së euros në raport me lekun për subjektet që veprojnë në fushën e turizmit janë të konsiderueshme.
