Kryeministri Edi Rama ka publikuar pamje nga rikonstruksioni i bibliotekës së Lushnjës. Në një postim në rrjetin social ‘Facebook’, Rama shkruan se tashmë të rinjtë kanë akses në plot 83 mijë libra për të zgjeruar dijet e tyre.
“MIRËMËNGJES dhe me transformimin e bibliotekës së Lushnjës, ku të rinjtë kanë tashmë akses në plot 83 mijë libra për të zgjeruar dijet e tyre, dhe për të kaluar kohë cilësore në mjedise moderne e dinjitoze, ju uroj një javë të mbarë”, shkruan Rama.
Rikonstruksioni i bibliotekës, e konceptuar edhe si hapësirë multifunkisonale, ku të rinjtë angazhohen në trajnime dhe bashkëbisedime të ndryshme, u mundësua me mbështetjen e Agjencisë Kombëtare të Rinisë (AKR), në kuadër të projektit “Të rinjtë për të rinjtë”.
Pjesë e bibliotekës do të jetë edhe një kënd i teknologjisë së informacionit ku të rinjtë mund të lexojnë edhe libra online./e.t
