Mjekët e Infektivit tregojnë se kohët e fundit në spital është rritur numri i moshave të reja që kanë nevojë për ndihmë mjekësore, kryesisht duke filluar nga mosha 20-30 vjeç.
Mjekja infeksioniste Entela Kolovani në një intervistë për ‘abc news’ ka deklaruar se moshat e reja që kërkojnë ndihmën e ekipit mjekësor kanë shfaqur simptoma mesatare të Covid-19 deri në ato të agravuarat.
“Janë të sëmurë që paraqiten nga simptomat mesatare deri në ato më të agravuara. Në këto ditë që jemi në një fluks më të ri të rasteve i kemi parë të gjitha grupmoshat. Duke filluar në nga 20-30 vjeçarët deri tek grupmosha e tretë. Në momentin që flasim relativisht mund të themi që janë të rinj, kemi një pacient në terapi intensive”, tregon mjekja infeksioniste Entela Kolovani./Re.Gu/Fjala.al
