Referuar Organizatës Botërore të Shëndetit më shumë se 23 milionë njerëz sëmuren çdo vit vetëm sepse konsumojnë ushqime të kontaminuara. Sipas një raporti tjetër ekzistojnë shumë viruse të ndryshme sa ka yje në qiell.
Për të mos u sëmurur shpesh zgjidhja më e mirë është të ndërtojmë imunitet të fortë. Fatmirësisht kjo është diçka që mund të arrihet shumë lehtë. Revista ‘Bright Side’ ka përgatitur një listë me 10 ushqimet që mund të konsumoni për të rritur sistemin tuaj imunitar.
1) Bajamet
28.35 gram bajame kanë të njëjtën vlerë kalciumi si ¼ filxhan qumësht, këto lëndë ushqyese të mrekullueshme mund të ndihmojnë në mbajtjen e trupit tuaj në formë dhe përveç kësaj bajamet do të ndihmojnë në rritjen e sistemit imunitar, veçanërisht në luftimin e viruseve. Bajamet kanë përmbajtje të larta të vitaminës E dhe fibra, por gjithashtu ato mund të ndihmojnë në mbajtjen nën kontroll të sheqerit në gjak.
2) Farat e lulediellit
Farat e lulediellit gjithashtu mund të ndihmojnë në forcimin e sistemit imunitar. Ato zvogëlojnë rrezikun e sëmundjeve të ndryshme si Alzheimer dhe mbajnë zemrën tuaj të shëndetshme. Gjithashtu ato bëjnë mrekulli për nënat shtatzëna pasi ndihmon fetusin të zhvillohet shëndetshëm.
3) Papaja
E pasur me antioksidantë , papaja është një zgjedhje e shijshme e mbushur me përfitime. Disa nga këto përfshijnë luftimin e inflamacionit, zvogëlimin e rrezikut të kancerit dhe mbajtjen nën kontroll të sistemit tretës.
4) Kivi
Me vitaminën C, vitaminën K dhe vitaminën E, kivi mund të ndihmojë në astmë dhe të forcojnë sistemin imunitar. Ai gjithashtu mund të parandalojnë ftohjen e zakonshme si dhe gripin. Për më tepër, kivi mund të ndihmojnë në tretje dhe të shërbejnë si mbrojtje kundër humbjes së shikimit.
5) Xhenxhefili
Kjo erëz e cila gjendet lehtësisht bën mrekulli për trupin tuaj. Ul kolesterolin, lehtëson dhimbjet e periodave (sigurisht kjo vlen për femrat) dhe rrit aftësinë e trupit për të luftuar infeksionet në përgjithësi.
6) Manaferrat
Manaferrat janë plot me antioksidantë dhe shpesh përdoren për të trajtuar sëmundje të ndryshme. Këto manaferra të purpurta mund të luftojnë stresin dhe të përmirësojnë funksionimin e brendshëm të sistemit tuaj imunitar.
7) Gocat e detit
Për të gjithë adhuruesit e ushqimeve të detit, ju sugjerojmë gocat e detit pasi ato kanë pak kalori, por janë me plot vlera ushqyese. Ato janë burim i shkëlqyeshëm i acideve yndyrore omega-3 dhe proteinave. Konsumimi i tyre mund të sigurojë që sistemi juaj imunitar të vazhdojë të funksionojë mirë, falë zinkut të pranishëm në to. Ato gjithashtu zvogëlojnë rrezikun e diabetit.
8) Spinaqi
Nuk është mister që spinaqi është i mirë për shëndetin tuaj, por me sa duket, ai është një rritës i shkëlqyer i sistemit tuaj imunitar. Spinaqi është një burim i shkëlqyeshëm i magnezit i cili është i nevojshëm për të ruajtur funksionin nervor, një zemër të shëndetshme, presion të mirë të gjakut dhe muskuj të fortë.
9) Shalqiri
Shalqiri jo vetëm që mund të mbajë lëkurën dhe flokët tuaj të shëndetshëm, por gjithashtu mund të përmirësojë tretjen tuaj dhe të zvogëlojë inflamacionin në trupin tuaj.
10) Fruta të pasura me vitamina C
Sipas një raporti , vitamina C mund t’i japë sistemit tuaj imunitar një rritje të menjëhershme. Për të përmendur disa, kjo mund të mbajë qelizat e bardha të gjakut të shëndetshme, të vrasë qelizat e padëshiruara ose të këqija dhe të rrisë prodhimin e antitrupave.
