Një ditë më parë mediat amerikane nisën të shkruanin se i fejuari i Jennifer Lopez, ish-ylli i sportit, Alex Rodriguez, ishte përfshirë në një romancë të re. Sipas mediave vajza me të cilën A-Rod mund të ketë pasur diçka është ylli i reality-show “Southern Charm”, Madison LeCroy.
Në një podcast, një nga koleget e saj tregoi: “Muaj më parë dëgjova që kishte thënë se ajo dhe A-Rod flisnin bashkë me ‘Facetime’. Dhe unë e mora për bazë, nuk pyeta më shumë. Dhe thjesht e harrova”
Ndërsa një nga pjesëmarrësit e reality-show tregoi gjatë spektaklit se LeCroy po tradhtonte në të dashurin e saj, ndërsa kishte shkuar në Miami për fjetur me një ish-sportist. Ai shtoi se burri në fjalë ishte i martuar dhe shumë i famshëm.
Vetë ajo LeCroy tha gjatë shfaqjes se, nuk kishte shkuar në Miami: “Po ai më kontaktoi, më shkroi mesazh në Instagram, por përtej kësaj nuk ndodhi asgjë. Unë nuk e kam takuar apo prekur kurrë fizikisht”.
Ndërsa ajo nuk përmendi emra, mediat nisën aludimet për të fejuarin e J.Lo-së. Vetëm pak orë pas publikimit të lajmit, ylli i shfaqjes televizive tha versionin e saj për ‘Page Six’.
Kam folur në telefon por nuk u takuan kurrë. Nuk ka pasur kurrë asnjë lloj gjëje. Është vetëm një i njohur. Ai kurrë nuk e ka tradhtuar fizikisht të fejuarën e tij me mua. Kam biseduar me të ndonjëherë, por jo vazhdimisht”.
Ajo nuk e sqaroi natyrën e atyre telefonatave po tha se ishin “të pafajshme”. Madison tha se ajo ia tregoi këtë personit të gabuar dhe më pas e gjithë u bë si loja ‘telefon i prishur’.
“Të gjitha këto gjëra kanë ndodhur një vit më parë, por po bëhen me dije tani. Jam përpjekur të jem sa më e qetë që është e mundur. Nuk dua asgjë të keqe për familjen e tij, ose për timen. Ne jemi padyshim të pafajshëm në këtë”.
Deri më tani A-Rod nuk ka bërë asnjë reagim lidhur me historinë.
