Mjekët dhe infermierët në spitalin St. Pierre të Brukselit kanë protestuar ndaj pranisë së kryeministres së vendit, Sophie Wilmes. Kryeministrja belge shkoi në spital për të falenderuar stafin mjekësor për punën e realizuar gjatë pandemisë së koronavirusit, por është përballur me një protestë të heshtur.
Mjekët dhe infermierët i kthyen shpinën kryeministres si shenjë proteste ndaj rrogave të ulëta, mungesës së bonusit dhe përpjekjes për të rekrutuar staf jo të specializuar për të përballur fluksin e shkaktuar nga pandemia.
Belgjika ka raportuar deri më tani 9 mijë vdekje si pasojë e COVID-19.
