Nëpërmjet një postimi në faqen e saj në facebook deputetja Rudina Hajdari falënderon të gjithë qytetarët që po bëhen pjesë e “Nismës”.
Sipas Hajdarit kjo “Nisëm” synon që pushtetin që kanë 3 kryetarët e vjetruar të partive t’ua shpërndajë sërish qytetarëve.
Më tej në statusin e saj Hajdari shkruan që Nisma në të cilën ajo bën pjesë synon mos të jetë pronë private, por një aset në shërbim të publikut.
Deputetja shprehet që është e frymëzuar nga mbështetja që po merr “Nisma” dhe niveli i lartë i këshillave dhe personaliteteve që po bashkohen./Jo.Be/Fjala.al
Postimi i plotë i Rudina Hajdarit:
Faleminderit!
Përditë, me qindra qytetarë po na bashkohen në një Nisëm e cila synon që pushtetin e pamasë që sot kanë 3 kryetarë të vjetëruar partish t’ua shpërndajë qytetarëve.
Një Nisëm e cila synon që pasuritë natyrore të vendit të mos i shfrytëzojnë një grusht klientësh të kryetarëve, por të shërbejnë për të rritur mirëqënien e qytetarëve.
Një Nisëm e cila synon që taksat e njerëzve të ndershëm të mos shërbejnë për të ndërtuar vila luksoze për pushtetarët por të japin shërbime për të gjithë qytetarët.
Një Nisëm e cila synon të mos jetë pronë private e askujt, por një aset në shërbim të publikut.
Personalisht ndihem e frymëzuar nga mbështetja masive që po marrim por edhe nga niveli i lartë i sugjerimeve, këshillave, ideve dhe personaliteteve që po bashkohen.
Do vazhdojmë pa u ndalur ?
Nëse do të na bashkohesh, regjistrohu te rudinahajdari.al.