Biden mban fjalimin e parë pas fitores: Njerëzit e bënë zgjedhjen

113 563 lexime

106,048FansaPëlqeje

Pasi fitoi zgjedhjet në Shtetet e Bashkuara të Amerikës, duke u zgjedhur presidenti i 46, Joe Biden ka mbajtur fjalimin e tij të parë. “Populli, njerëzit e këtij vendi folën. Na e dhanë një fitore të qartë, një fitore bindëse”, tha presidenti i sapozgjedhur. Që në nisje të fjalës së tij ai pohoi se qëllimi i tij si president, ishte bashkimi i popullit amerikan.

I përulem besimit që më keni dhënë. Zotohem se do të jem president që nuk përpiqet të ndajë, por të bashkojë, që nuk sheh shtete të kuqe dhe shtete të kaltra, por vetëm Shtete të Bashkuara”, tha Biden.

Ai foli në shtetin e tij Dellauer, disa orë pasi mediat amerikane parashikuan fitoren e tij në shtetin e Pensilvanisë, me të cilën tejkaloi 270 votat e Kolegjit Zgjedhor, të nevojshme për t’u zgjedhur president.

Biden garoi në zgjedhjet e 3 nëntorit kundër presidentit aktual, Donald Trump, i cili tha se nuk e pranon rezultatin dhe se do ta sfidojë në gjykatë. “Le t’i japim njëri-tjetrit shansin. Është koha të ndalojmë retorikën e ashpër, të ulim temperaturën, të shohim njëri-tjetrin, të dëgjojmë njëri-tjetrin… të ndalojmë t’i trajtojmë kundërshtarët tanë si armiq”, tha Biden në fjalimin që u transmetua drejtpërdrejt në mediat amerikane.

Ai citoi Librin e Predikuesit, duke thënë se ka “kohë për gjithçka”. “Kjo është koha për të shëruar Amerikën”, tha Biden. “Do të punoj po aq shumë si për ata që nuk më votuan, si për ata që më votuan”, u zotua Biden. Mes të tjerash Biden tha se detyra e tij e parë do të jetë vendosja nën kontroll e pandemisë së COVID-19.

Lexo edhe :  Rama-Basha, java e fundit për betejën e fundit

Është mënyra e vetme që të mund t’i kthehemi jetës normale”, tha Biden dhe shtoi se “nuk do të kursejë asnjë përpjekje. Sonte, e gjithë bota po shikon Amerikën dhe besoj se Amerika është një fener për globin. Le të jemi kombi që e dimë se mund të jemi. Një komb i bashkuar, një komb i forcuar, një komb i shëruar”, tha ai, teksa përfundoi fjalimin. B

iden u ftua në skenë nga nënpresidentja e zgjedhur Kamala Harris, gruaja e parë me ngjyrë që fitoi këtë detyrë.

“Ju zgjodhët shpresën, unitetin, mirësjelljen dhe të vërtetën. Ju zgjodhët Joe Bidenin president të ardhshëm të Shteteve të Bashkuara”, tha Harris në fjalimin e saj, ndërsa shtoi se Biden është një person me përvojë. “Joe është një shërues. Një person, përvoja me humbje e të cilit i jep atij një ndjenjë qëllimi, që do të na ndihmojë ne si komb ta rikthejmë ndjenjën tonë të qëllimit”, tha Harris.

Harris e vlerësoi Bidenin për “guximin” për të thyer barrierat dhe për të zgjedhur një grua për nënpresidente./Bl.Ba/Fjala.al


Të fundit

“Zgjidhni punën dhe jo dhunën”/ Rama poston videon: O miq tropojanë që s’jeni tropojsa, ata që i votuat 30 vjet veç sherrin u keni...

Në ditën e fundit të fushatës zgjedhore kryeministri Edi Rama ka publikuar një video ku tregon se si ka...

“Është tre hapa para”/ Spartak Ngjela i sigurt: Ja kush është fituesi i zgjedhjeve të 25 prillit

Avokati i njohur Spartak Ngjela ka mendimin se fitorja e Lulzim Bashës, në zgjedhjet e 25 prillit është e pamundur. Avokati shtoi se Basha...

“Ti merr lekët, më jep votën”/ Kandidati i LSI blen vota në Tiranë: Tako Monën, mos e ngri zërin se kemi kontrolle (Video)

Në një video ekskluzive në Breaking në Top News shihet me zë e figurë se si kandidati i LSI Etjon Joka blen votat në...

Deklarata e Xhelal Mziut/ Kreshnik Spahiu: “Agimi i Artë” s’bëri asgjë më shumë në Greqi sesa PD në Shqipëri

Kreshnik Spahiu ka reaguar për video skandalin e PD-së, në të cilën Xhelal Mziu premton vrasje të tjera. “Ju thashë dje që po armatoset veriu...

‘Befason’ Lorik Cana, prezanton me mall ish të dashurën e tij (Foto)

Lorik Cana mes siguri ka bërë për ujë të ftohtë bashkëshorten e tij mbrëmjen e sotme. Si fillim ai ndau në Instagram disa fjalë...

Lajme të tjera

Web TV