Vaksina ndaj koronavirusit e krijuar nga Oksford ka treguar rezultate të mira ndaj grupmoshave 60-70 vjeçe, duke rritur shpresat se mund të mbrojë këto grupmosha të cilat janë më të rrezikuarat ndaj Covid-19.
Studimi i fazës së dytë përfshiu 560 njerëz të cilët shumica ishin njerëz të bardhë dhe britanikë dhe tregoi se në të gjitha grupmoshat vaksina reagoi mirë.
Kjo shënoi një tjetër përparim në garën për të zhvilluar një vaksinë të sigurt për të parandaluar Covid-19, pasi vaksinat e krijuara deri më tani nga Moderna dhe Pfizer dhe BioNTech ishin 95% efektive.
Studimi tregoi se të gjithë njerëzit që u vaksinuan nga të gjitha grupmoshat krijuan antitrupa shkatërruese ndaj Covid-19. Antitrupat u krijuan brenda 28 ditëve nga doza e parë e vaksinimit dhe u rritën edhe më shumë në vaksinimin e dytë.
Ndërkohë më shumë se 8 persona nën moshën 55-vjeçare deklaruan se pas vaksinimit kishin dhimbje të krahut e më pas përjetuan lodhje, dhimbje koke dhe muskujsh.
Britania deri më tani ka porositur 100 milionë doza të vaksinës së Oksfordit e cila po përgatitet nga firma farmaceutike AstraZeneca./r.g/fjala.al
