Shefi i Urgjencës Kombëtare Skënder Brataj deklaroi se vaksinat janë të sigurta dhe se askush nuk duhet të dyshojë në sigurinë e tyre. Ai tha mbrëmjen e sotme në “Open” se është i bindur për këtë, ndaj ka vaksinuar edhe familjen e tij.
“Unë jam i bindur që vaksinimi funksion. Unë nuk e vaksinoj familjen time, njerëzit e mi, fëmijët e mi nëse nuk jam i bindur. Ndaj është e qartë kjo bindje”, u shpreh Brataj.
Gjithashtu Epidemiologu Ilir Alimehmeti ka folur për vaksinimin anti-Covid-19 duke deklaruar se niveli i anti-trupave nuk dihet i saktë. Përsa i përket çështjes së sigurisë së vaksinave ai tha mbrëmjen e sotme në “Open” se ato janë të sigurta, janë provuar.
“Akoma nuk e dimë sa është niveli i anti-trupave mbrojtës. Për sa kohë ne duhet të shohim që të bëjmë raporte. Shumica që shkojnë në spital nuk janë të imunizuar. Përsa i përket cështjes së sigurisë, ne shohim individin se ca moshe ka, sëmundje dhe ne i japim një këshillë dhe mundohemi që diferenca e vogël të jetë në favorin tonë dhe jo të virusit. Nuk po i kërkohet askujt që të bindet, unë dua t’i informoj njerëzit”, tha Alimehmeti.