Deputeti socialist Erion Braçe ka thirrur në interpelancë qeverinë.
Me anë të një postimi në rrjetet sociale teksa thotë se ka thirrur në interpelancë në Kuvend qeverinë shton se çmimi i imputeve është trefishuar, ndërkohë që bujqit nuk marrin të njëjtën rritje në çmimet e produkteve të tyre.
“Për bujqit! Për punën! Për çmimet! Interpelanca në kuvend me qeverinë! Çmimet e ushqimeve/ perimeve frutave të freskëta janë rritur, por jo fermeri!
Ndërkohë, çmimet e lëndëve të para në bujqësi janë trefishuar! Kostot e bujku janë rritur, çmimet e prodhimeve të tij jo! Raportimi mes çmimit të inputeve dhe çmimit të produktit të bujkut është tmerrësisht i padrejtë. 1 kg ure kushton 110 lekë, por 1 kg grurë kushton 30 lekë; 1 kg dap kushton 110 lekë, por 1 kg misër kushton deri 38 lekë; 1 kg nitrat kushton 90 lekë, por 1 kg domate (më e mira) kushton 50 lekë! Çmimet e drejta të lëndëve të para, por edhe produkteve të bujkut, janë detyrë e qeverisë”, shkruan Braçe.