Halit Valteri është pinjoll i familjes Valteri nga Mati. Në fakt ata janë me origjinë gjermane dhe mbiemri i vërtetë është Walter. Ata kanë ardhur në Shqipëri në kohën e Skënderbeut të cilët i mori vetë ai për të prodhuar barut në zonën e Matit. Halit Valteri shpjegon në emisionin HARD TALK NGA ROLAND QAFOKU origjinën e fisit të tij.
Siç e parashtruat dhe ju, dy familje janë me origjinë gjermane në Shqipëri, të thirrur në atë kohë nga Skënderbeu. Janë Allamanët dhe Valterët. Allaman-Alemagnia dhe Valter-Walter. Fisi Valter ka vetëm një, dhe çdokush që e ka mbiemrin Valteri është i lidhur me njëri-tjetrin. Brezat kanë evoluar, janë shtuar, por një rregull i pashkruar thotë se Valterët janë gjak, Allamanët janë vëllezër dhe ka një rregull të bukur që ne as nuk japim as nuk marrim me njëri-tjetrin sepse quhemi gjak. Fisi Valteri është një fis i cili gjatë regjimit komunist ka qenë një nga fiset më të internuara, më të persekutuara dhe më të vuajtur. /Fjala.al/Ke.Ba
