Donald Trump ka pranuar se rezervat kombëtare të pajisjeve mbrojtëse që përdorin mjekët dhe infermierët për t’u mbrojtur nga COVID-19 pothuajse kanë përfunduar.
Ai konfirmoi këtë lajm ndërkohë që Shtetet e Bashkuara kanë shënuar mbi 900 të vdekur, numri më i lartë i viktimave nga virusi brenda një dite.
Sipas të dhënave, Shtetet e Bashkuara kanë tani numrin më të madh të të prekurve nga koronavirusi në botë mbi 209 mijë, ndërsa të vdekurit kanë arritur në mbi 4,600.
Epiqendra e koronavirusit në Shtetet e Bashkuara, është Nju Jorku de guvernatori Andrew Cuomo është shprehur se mund të ketë deri në 16 mijë të vdekur nga epidemia. Deri tani në shtetin e Nju Jorkut ka rreth 84 mijë të infektuar dhe afro 2 mijë të vdekur.
Nga ana tjetër, presidenti Donald Trump ka theksuar se administrata e tij po konsideron kufizime të mëtejshme për udhëtimet e brendshme “mes pikave të nxehta”, në përpjekje për të luftuar epideminë. Megjithatë Trump ka refuzuar idenë për një urdhër mbarëkombëtar për të ndaluar lëvizjet në Shtetet e Bashkuara.