Tirana, një festë titulli me tifozë? Bardheblutë shpresojnë tek përjashtimi nga rregulli

113 563 lexime

106,048FansaPëlqeje

Ky sezon futbollistik, i cili, si kurrë më parë, po i afrohet kufirit të një viti të plotë kalendarik, spikati mbi të gjitha, për mungesën e tifozëve në gjysmën e dytë të tij, për shkak të shpërthimit të epidemisë së virusit korona dhe pasojave të saj. Për këtë arsye, edhe Kampionati Kombëtar i Futbollit po e mbyll sezonin pa tifozë, por, në aktin e fundit të nivelit më të lartë të tij, Kategorisë Superiore, por kërkohet që të bëhet një përjashtim nga rregulli. Tirana do të luajë të mërkurën ndeshjen e fundit të këtij sezoni, ku edhe do të ketë mundësinë që të ngrejë edhe zyrtarisht titullin e 25-të të “kampiones”.

Për këtë ndeshje, që për më tepër kurorëzon në mënyrë të jashtëzakonshme dhe të denjë një përvjetor si ai i shekullit i klubit bardheblu, ka ndryshuar edhe orari dhe ajo do të luhet në Stadiumin “Arena Kombëtare”, duke nisur nga ora 19:00. Burime pranë klubit bardheblu kanë pohuar posaçërisht për Fjala.al se klubi kryeqytetas ka bërë një kërkesë në Federatën Shqiptare të Futbollit për të pasur një prani më të lartë tifozësh. Së pari, një tentativë për të festuar këtë titull me një numër të konsideruar tifozësh, mbase duke përdorur edhe praktikën që po ndodh në shumë vende.

Atje ku po zbatohet hapja e pjesshme e stadiumeve me një përqindje të caktuar të vendeve që lejohen të mbushen me tifozë. Jo vetëm kaq, por kërkesa është bërë edhe për faktin që të paktën të pranishëm të jenë familjarët e protagonistëve, lojtarëve dhe drejtuesve ekipit që bëri të mundur arritjen e një suksesi të tillë. Në fakt, një kërkesë e tillë e bardhebluve ka një bazë të arsyeshme, duke patur parasysh që kapaciteti prej afro 22,000 vendesh i Stadiumit të ri Kombëtar mundëson shfrytëzimin në masën 50 % të tij, por që do të nënkupton lejimin e të paktën 10,000 tifozëve.

Lexo edhe :   EURO 2020/ Italia kërkon zhvendosjen e finales në Romë , reagon UEFA: Nuk ka plan për ndryshimin e stadiumit

Sot pritet që të ketë një përgjigje nga institucioni zyrtar në vend nëse në protokollin e lejuar të personave për ndeshjen e fundit, Tirana-Bylis, krahas zyrtarëve dhe numrit standard të lejuar ku një pjesë e madhe do të jenë edhe zyrtarë të FSHF-së për ceremoninë festive, do të lejohen edhe familjarët e lojtarëve dhe stafit të skuadrës bardheblu. Ndërkohë, mësohet se Agustin Torrasa është lojtari i parë i Tiranës që rinovon për sezonin e ri.

Në orët e vona të mbrëmjes, 25-herë kampionët e Shqipërisë konfirmuan në faqen zyrtare vazhdimin e bashkëpunimit me futbollistin argjentinas edhe për një sezon. Torrasa kishte deklaruar vazhdimisht se dëshironte të qëndronte në kampin bardheblu.
Ky është “përforcimi” i dytë i Tiranës pas blerjes së sulmuesit Albion Avdijaj, ndërsa pritet që grupi aktual, por edhe trajneri Emanuel Egbo, të mbetet i pandryshuar për shkak të pjesëmarrjes së bardhebluve në turet eliminatore të Ligës së Kampioneve në gusht.


Të fundit

Aksidenti me 4 viktima në Vlorë/ Aurela Gaçe: Vrasje me dashje

Aksidenti tragjik që ndodhi këtë të premte në aksin Fier-Vlorë ku humbën jetën 4 anëtarët e një familje dhe...

Shembja e pallatit 12-katësh në Florida, 159 qytetarë rezultojnë ende të zhdukur.

Teksa vijojnë ende kërkimet nën rrënojat e pallatit 12 katësh që u shemb në Miami të Floridas, 159 qytetarë rezultojnë të zhdukur. Kryebashkiaku i Miami-Dade,...

Kapitenët që ndikuan më shumë në skuadrat e tyre në Euro 2020

Kapitenët janë më ndikuesit në skuadër, por disa prej tyre janë lider të vërtetë, qoftë me paraqitjet në fushë, qoftë me episodet e ndryshme....

Trishtuese/ Kortezhi me 4 makina funerali, përcillet për në banesën e fundit familja Gushi

Pamje që prekin zemrat! Ka nisur ceremonia mortore për 4 anëtarët e familjes Gushi, të cilët humbën jetën dje në një aksident në autostradën...

Trekëndëshi i Bermudës: Çfarë mund të na tregojë shkenca për rajonin misterioz të oqeanit Atlantik

Në brigjet juglindore të Shteteve të Bashkuara, ekziston një hapësirë në oqeanin Atlantik që ka prej kohësh një reputacion të frikshëm. Anijet që kalojnë...

Lajme të tjera

Web TV