Kryeministri dhe Presidenti përplasen “online”, Meta: Shqipëria nuk futet në thes me banditët. Rama: Mos e përdor Presidencën si thes për LSI.
Fernada Cenko
Presidenti qëndron mbi palët! Por Ilir Meta bëhet pal me Lëvizjen Socialiste për Integrim dhe Partinë Demokratike duke bërë reagime si në opozitë. Edhe dje, Meta ka lançuar një mesazh në rrjetet sociale për qëndrimin që duhet të mbajnë shqiptarët për zgjedhjet e përgjithshme që do të yhvillohen më 25 prill. Edhe pse partinë për shkak të postit që mori, ja kaloi bashkëshortes së tij, Meta nuk e ndal opozitën ndaj Ramës dhe qeverisë. Kreu i Shtetit ka sulmuar shpesh herë Kryeministrin Edi Rama për shumë çështje që nga posti i Presidentit nuk i takon, pasi ai është institucion dhe jo parti politike. Përplasjet mes tyre janë bërë në rrjetet sociale. Në një status, Meta ka orintuar shqiptarët se për kë duhet të votojnë duke shigjetuar kryeministrin Edi Rama. Meta shkruan se Shqipëria nuk futet dot në thes nga një çetë me banditë, oligarkë dhe arrogantë. Sipas tij, më 25 prill, Shqipëria do të jetë në dorë të shqiptarëve. “Shqipëria nuk futet dot në thes nga një çetë me banditë, oligarkë dhe arrogantë. Harrojeni! Më 25 prill 2021, Shqipëria në dorë të shqiptarëve!”, shkruan Meta. Por kryeministri Rama nuk i është vonuar në përgjigje. Edhe kreu i qeverisë ka reguar në rrjetet sociale. Ai shkruan: “Ke të drejtë Ilir, Shqipëria nuk futet dot në thes, shumë mirë e paske thënë! Prandaj boll e përdore Presidencën e Republikës si thes për atë farë LSI-je dhe Presidentin e Shqipërisë si gojën e shqyer të atij thesi”, shkruan Rama. Në prag të zgjdhjeve edhe presidenti, i cili duhet të qëndrojë mbi palët publikon mesazhe me karakter elektoral. Para dy ditësh Meta dekretoi tre ligjet që sjellin në Shqipëri vaksinën Pfizer.
