Ministrja e Infrastrukturës dhe Energjisë, Belinda Balluku ka rezultuar pozitive me Covid-19. Lajmin e ka bërë të ditur Ministria e Infrastrukturës e cila shkruan se ministrja fillimisht ka shfaqur simptoma dhe më pas është testuar. Pasi ka rezultuar pozitive me Covid-19 Balluku është vetëkarantinuar.
“Ministria e Infrastrukturës dhe Energjisë njofton se ministrja Belinda Balluku, rezultoi pozitiv pas testimit për COVID 19. Ministrja është në gjendje të mirë shëndetësore, paraqet simptoma të lehta dhe ka nisur karantinimin sipas protokollit përkatës. Përfitojmë nga rasti t’u bëjmë thirrje të gjithë qytetarëve, të respektojnë të gjitha masat dhe protokollet në fuqi, për parandalimin e përhapjes së pandemisë,”-shkruhet në njoftim.
Ndërkohë më herët janë infektuar kryebashkiaku Erion Veliaj, deputetët Ralf Gjoni, Elio Hysko dhe Enver Roshi. Deputeti i parë i infektuar ishte Adriatik Alimadhi, i cili qëndroi për disa muaj i shtruar në spitalin Infektiv në Tiranë./Re.Gu/Fjala.al